Бурабай аудандық кітапханасында «Таңғажайып өлке» өлкетану бұрышы ашылды,-деп хабарлайды «Aqmola News» Бурабай ауданы әкімдігінің баспасөз қызметіне сілтеме жасап.
Орталық аудандық кітапхананың қызметкерлері Бурабай ауданының 90 жылдығына орай, түрлі іс-шаралар ұйымдастыруда.
«Туған жер – туған ел» базалық бағытының «Рухани қазына» ішкі бағдарламасының аясында «Менің өлкем – менің мақтанышым» жобасын қолға алды.
Оқу залында көрермендер назарына «Таңғажайып өлке» көрмесі ұйымдастырылып өлкетану бұрышы ашылды.
Көрмеге біздің жерлестеріміздің өмірі мен қызметі, ауданның құрылу тарихынан сыр шертетін кітаптар, фотоқұжаттар, тақырыптық папкалар, жергілікті ақындардың өлең жинақтары қойылды. Барлық қойылған деректер шараға қатысқан жастың да, жасамыстың да үлкен қызығушылығын тудырды. Көрменің ашылуы күні оқырмандарға Бурабай өлкесінің тарихы туралы 40 кітап оқуға берілді,-дейді
кітапхана қызметкерлері.
