Ақкөл ауданында Президент әкімшілігінің мемлекеттік инспекторы Бахытжан Сәпиев жұмыс сапарымен келіп, бірқатар нысандардың жұмысымен танысты, деп хабарлайды «Aqmola News» Ақкөл ауданы әкімдігінің баспасөз қызметіне сілтеме жасап.
Мемлекеттік инспектор алдымен аудан орталығындағы 45 пәтерлі тұрғын үй құрылысы алаңында басталды. Бахытжан Сәпиев мердігер компания «ННКС Инжиниринг Групп» жауапкершілігі шектеулі серіктестігінің директоры Владимир Пинчукпен тұрғын үй құрылысы жобасы бойынша әңгімелесті. Жұмыс барысымен танысқан мемлекеттік инспектор құрылыс жобасына оң бағасын берді.
Бұдан әрі Бахытжан Сәпиев аудан әкімі Алпысбай Қайыржановпен бірге «Восточный» қазандығындағы жаңадан салынып жатқан модульды қазандықтың жұмысын назарға алды.
Жұмыс сапарының соңында «Smart Aqkol-2018» КММ демонстрациялық – ситуациялық орталығында мемлекеттік инспектор аудан активімен кездесу өткізді. Іс-шара барысында Бахытжан Шаймухаметович Сапиев барлық деңгейдегі депутаттарды сайлауға дайындықтың негізгі бағыттарын түсіндірді.
