Көкшетау қаласы бойынша су беру уақытша тоқтатылды. Бұл туралы қалалық «Көкшетау су арнасы» коммуналдық кәсіпорны әлеуметтік желідегі парақшасында жариялады, деп хабарлайды Aqmola News ақпарат агенттігі.
Ақпанның 24-інде Бейбітшілік (Мир) көшесінің бойында диаметрі 800 миллиметрлі КНС 2 құбыры жарылды. Ұзақ уақыт кәріздік коллекторларды пайдаланғандықтан құбыр майысқан. «Осыған байланысты ақпанның 24-і кешкі сағат 20:00-де бастап, 25-і ақпан сағат 14:00-ге дейін қала бойынша су беру уақытша тоқтатылады. Қазіргі кезде «Көкшетау су арнасы» коммуналдық кәсіпорнының мамандары қалпына келтіру жұмыстарын жүргізуде. Уақытша туындаған қолайсыздыққа байланысты кешірім сұраймыз», – деп жазылған «Көкшетау су арнасы» коммуналдық кәсіпорнының әлеуметтік желідегі парақшасында.
