2020 жылдың екінші тоқсанында елімізде 454 мың жұмыссыз адам тіркелді. Бұл өткен жылдың сәйкес кезеңімен салыстырғанда 2,8%-ға көп. Жұмыссыздық деңгейі 5%-ды құрады, ал бір жыл бұрын 4,8% болған, деп хабарлайды «Aqmola News» finprom.kz. сайтына сілтеме жасап.
Жұмыссыз қалған ер адамдар саны 216,3 мыңды, әйелдер саны 237,7 мыңды құрады. Ерлер арасындағы жұмыссыздық деңгейі – 4,6%, әйелдер арасында – 5,4%.
Қалаға қарағанда жұмыссыздық деңгейі ауылдық жерлерде төмен. Осылайша, ауылдардағы жұмыссыздар саны 174,7 мың адамды, қалаларда 279,2 мың адамды құрап отыр.
Жұмыссыздардың дені оңтүстік аймақтарда: Алматы қаласы, Алматы облысы және Түркістан облысында тұрады.
