Ақмола облысы қылмыстық атқару жүйесінің қызметкерлері Елбасының бастамасымен жарияланған «20 игі іс» жобасы бойынша еріктілермен бірге жалғызілікті зейнеткердің жаңа қонысқа көшуіне көмектесті, – деп хабарлайды «Aqmola News» Ақмола облысы қылмыстық атқару жүйесі департаментінің баспасөз қызметіне сілтеме жасап.
Валентина Александровна аудан орталығында жақын туыссыз жалғыз тұрып жатыр. Департамент қызметкерлері зейнеткердің жаңа орынға көшуіне көмектесті.
Күзгі уақытта әжейдің үйі салқын. Үйдегі пеш жөндеуді қажет етеді. Жалғызбасты қариялы суық үйде тастамай көмектескенді жөн көрдік. Өз қаражатымызға пешке жаңа пеш плитасын алып, үйде шағын әрлеу жұмыстарын жасадық, – дейді ерікті Бахтияр Тасболатов.
Қолдарынан келген көмегін жасаған адамдардың адамгершілігіне ризашылығын білдірген Валентина Александровна пробация қызметкерлері мен еріктілерге алғысын білдірді.
