Шортанды ауданының Бозайғыр ауылында «Milk Product» жауапкершілі шектеулі серіктестігіне тиесілі заманауи сүт-тауарлары фермасы ашылды,-деп хабарлайды «Aqmola News».
Майра ҚУАНЫШҚЫЗЫ
Бұл ферма 500 бас ірі қара малға арналған.
Өз жұмысын бастаған жаңа фермаға Еуропадан симментал тұқымды ірі қара малдың алғашқы партиясы әкелінді.
Бұл ферма сүт өнімдерін өңдеп, ішкі сұранысты қамтамасыз етпек. Кәсіпкерлердің мұндай жобалары аудан экономикасын арттырып, жергілікті халықты тұрақты жұмыспен қамтуға да септігін тигізеді,-дейді аудан әкімі Ғайдар Қасенов.
Жақын арада ферма толық қуаттылыққа ие болады.
Бұл инвестициялық жоба Нұр-сұлтан қаласының айналасындағы азық-түлік белдеуін ұлғайту үшін қарапайым заттар экономикасы бағдарламасы бойынша жүзеге асырылды.
