Ақмола облысының Бұланды ауданында өсімдік майын шығаратын зауыттың құрылысы жүріп жатыр. Өндіріс орны толық өндірістік циклде жұмыс істейтін болады, – деп хабарлайды «Aqmola News».
Майра ҚУАНЫШҚЫЗЫ
Аудан орталығы Макинск қаласында орналасқан жаңа кәсіпорын жобасы «Бота-2015» компаниясымен жүзеге асырылуда. Экстрактілі май өндіретін өндіріс орны соя, күнбағыс және рапс майын өңдеп, жылына 198 мың тоннаға дейін өнім өндіруді көздеп отыр.
Инвестициялық жобаның құны 4 миллиард теңгені құрады. Кәсіпорын толық өндірістік циклде жұмыс істейді. Бүгінде зауыттың құрылысында монтаждау жұмыстары аяқталуға таяп, арнайы жабдықтары жеткізілді. Осы жылдың соңына дейін іске қосылады, – дейді Ақмола облысы кәсіпкерлік және өнеркәсіп басқармасының басшысы Ербол Оспанов.
Жобаны жүзеге асыру нарықты отандық өніммен қамтамасыз етуге бағытталған. Сондай-ақ зауыт басшылығы өсімдік майын экспортқа шығаруды жоспарлаған.Жоба толық қуатына көшсе 80 жаңа жұмыс орны құрылмақ.
