Астрахан ауданында «Жұмыспен қамту жол картасы-2020» мемлекеттік бағдарламасы шеңберінде бір миллион теңгеден астам қаражатқа келісімшарт жасалып, әлеуметтік нысандарға жөндеу жұмыстары жасалды, – деп хабарлайды «Aqmola News».
Майра ҚУАНЫШҚЫЗЫ
Бағдарлама шеңберінде 138 жұмыс орны құру жоспарланғанымен, іс жүзінде 144 адам жұмысқа орналасқан.
Мемлекеттік бағдарлама арқасында Колутон орта мектебінің екі қабатының терезелері ауыстыруға «Инкомстройпласт» жауапкершілігі шектеулі серіктестігімен келісімшарт жасалған. Қазіргі уақытта жұмыстар толық көлемде аяқталды. Камен ауылында ауылдық мәдениет үйіне күрделі жөндеу жұмыстары кестеге сәйкес жүзеге асырылып келеді. Жалтыр ауылында әмбебап спорт алаңы салынды. Астрахан селосында ұзындығы 1710 шақырым ағын су өткізетін арықтар орнатылды. Қызылжар орта мектебінде жылыту жүйелерінде ағымдағы жөндеу жасалды, – дейді Астрахан ауданының әкімі Нұрлан Сейілов.
Ауданда сондай-ақ облыстық денсаулық сақтау басқармасының ұйымдастыруымен Астрахан аудандық ауруханасына күрделі жөндеу жүргізу жоспарланып отыр. Сондай-ақ, «Алпамыс» балабақшасы мен Астархан аудандық мәдениет үйі мен аудан ауруханасы жанында автотұрақтар салуға келісімшарттар жасалған.
