Шортанды ауданында талшықты-оптикалық байланыс желілері толықтай жаңартылады. Бұл туралы «Қазақтелеком» акционерлік қоғамының басқарма төрағасы Қуанышбек Есекеевтің ауданға жұмыс сапары барысында мәлім болды, – деп хабарлайды «Aqmola News».
Майра ҚУАНЫШҚЫЗЫ
Қазіргі уақытта ауданда интернет желілері жаңартылып, сапасын жақсарту бойынша жұмыстар жүргізілуде.
Алдымен «Қазақтелеком» басқарма төрағасы Новокубанка орта мектебінде болып, байланыс желілерін тарту барысымен танысты. Кездесу барысында акционерлік қоғамның басшысына жоғары жылдамдықты интентен торабын жақсарту бойынша жасалып жатқан жұмыстар мен ауданның алдағы даму жоспарлары талқыланды.
Алдымен ауылдық округтағы ФАП, полиция пункті, әкімдік, мектеп сияқты нысандар қосылды. Қалған абоненттерді ауыстыру жұмыстары жүргізілуде. Жаңа желі интернет қызметтерін толық көлемде пайдалануға мүмкіндік береді, – дейді Шортанды ауданының әкімі Гайдар Қасенов.
Жұмыстар аяқталғаннан кейін Шортанды желілік-техникалық учаскесінде байланыстың мыс және радио-релелік жүйелері реттелмек.
Алдағы уақытта талшықты-оптикалық байланыс желісін қолданылатын жұмыс орындарын жергілікті біріктіру, барлық құрылғыларда бір уақытта интернетті жүктеудің жоғары жылдамдығын арттыру, жоғары сапалы телефон және теледидар қабылдауын қамтамасыз етпекпіз, – деді басқарма төрағасы .
