Ақмолалық Талғат Шәйкен Алматы қаласында MTK Kazakhstan кәсіби бокс алаңында алғашқы кездесуін сәтті өткізді, деп хабарлайды «Aqmola News» Ақмола облысының дене шынықтыру және спорт басқармасының баспасөз қызметіне сілтеме жасап.
19 жастағы боксшы алғашқы орта салмақтағы бірінші бокс кешін кәсіби рингте өткізді. Қарсыласы бұрын жеңілістің ащы дәмін татып көрмеген Берікбай Нұрымбетов (5-0, 1 КО) болды.
Алты раундқа есептлегген турнирде турнирдің дебютанты Талғат Шәйкен төрешілердің шешімімен бірауыздан жеңімпаз атанды, – деді облыстық дене шынықтыру және спорт басқармасының баспасөз хатшысы Махаббат Большина.
Естеріңізге сала кетсек, Талғат Шәйкен 2018 жылы жастар олимпиадалық ойындарының күміс жүлдегері және Азия чемпионы болған. Ал Берікбай Нұрымбетов болса кәсіби рингтегі карьерасы 2016 жылы бастаған. Дегенмен, төрт жыл ішінде тек алты бокс кездесуін ғана өткізген.
