Енді Халыққа қызмет көрсету орталығы дүйсенбіден сенбіге дейін жұмыс істейді. Жұмыс уақыты 09:00 -ден 18:00-ге дейін. Жексенбі әдеттегідей демалыс күні болып саналады,- деп хабарлайды «Aqmola News».
Естеріңізге салсақ, облыстың бас санитар дәрігерінің шешімімен ХҚКО-ы карантин уақытында тек қана жұмыс күндері ғана ашық болған. Енді сенбі күні де жұмыс істейтін болады.
Жұмыс уақытының ұзаруына қарамастан, ХҚКО -да тек құжат қызметін көрсету алдын ала жазылып қою бойынша жүргізіледі.Электрондық қызметтерді алуға әдеттегідей, зейнеткерлер мен мүмкіндігі шектеулі жандар және көпбалалы отбасылардың мүшелері құзырлы. Интернет пен компьютерге қол жетімсіз тұлғалар әкімшілік ғимараттары мен екінші деңгейлі банктерде орналасқан egov.kz бұрышын пайдалануына болады,-дейді «Азаматтарға арналған үкімет» облыстық филиалының мамандары.
ХҚКО-да маскалық режим сақталады. Келушілер әлеуметтік ара қашықтықты сақтауға тиіс.
