Жарқайың ауданында жеке кәсіпкерлер аудандық провизорлық стационарға көмек беруді жалғастыруда, – деп хабарлайды «Aqmola News» .
Майра ҚУАНЫШҚЫЗЫ
Елдегі күрделі кезеңде Жарқайың ауданы кәсіпкерлері де жағдайды тұрақтандыру үшін қолдарынан келгенше қаржылау қолдау білдіруде.
Аудан кәсіпкерлері аурухананы қымбат аппараттамен қамтамасыз етіп қана қоймай, қайырымдылық шараларын жалғастырып келеді.
Мәселен «Пищепромторг» жауапкершілігі шектеулі серіктестігінің басшысы Иван Попов аудандық провизорлық стационарды аурухана қызметкерлері халаттармен және респираторлық маскалармен қамтамасыз етті.
Негізгі мақсат елді індет жайлаған аса ауыр шақта баршамыз бір жағадан бас, бір жеңнен қол шығарып, баршамыз бірге әрекет етуге тиістіміз деп санаймын, – дейді Иван Попов.
Жергілікті кәсіпкерлер алдағы уақытта да қайырымдылық шараларын одан әрі жалғастырмақ ниетте.
