Бүгін аудан әкімінің орынбасары Ерлан Мұхамедин «Ауыл – Ел бесігі» бағдарламасының жүзеге асырылу барысын тексерді,-деп хабарлайды «Aqmola News».
Ерлан Қыздарбекұлы «Байсын-А» ЖШС мердігерлік ұйымының өкілдерімен бірлесіп Шортанды кентіндегі стадион мен Ойын-сауық орталығы күрделі жөндеу нысандарын аралады.
Кездесуде аудан орталығының стадионын күрделі жөндеу жобасы талқыланды, ЖШС өкілінің айтуынша, жөндеу жұмыстары алдағы аптада басталады.
Ағымдағы жылы Шортанды ауданының «Ойын-сауық орталығы» КММ ғимаратына күрделі жөндеу жұмыстарын жүргізуге конкурс жарияланды. Бүгінде мұнда 15 жұмыс орны ашылды. Маусым айынан бастап орталықтың үй-жайларын бөлшектеу жұмыстары жүргізілуде. Сондай-ақ шатырға ағымдағы жөндеу жұмыстары жүргізілді.
Айта кетейік, 2020 жылы ауданда «Ауыл – Ел бесігі» мемлекеттік бағдарламасы аясында 6 жоба жүзеге асырылатын болады.
