Шортанды ауданында жедел штаб отырысы кезінде атқарылған жұмыстардың аралық қорытындысы шығарылып, алдағы міндеттер белгіленді. Отырыс барысында аудандық аурухана мен тауар және қызмет сапасын бақылау басқармасының басшылары есеп берді,-деп хабарлайды «Aqmola News».
Аудан әкімі өңірдегі жалпы эпидемиологиялық жағдай толық тұрақтанғанға дейін шектеу іс-шараларын одан әрі жалғастыру қажеттігін атап өтті.
Гайдар Қабдоллаұлы тиісті қызметтерге шектеу шараларын сақтау мәселесін бақылауға алуды және коронавирустық инфекцияның алдын алу шаралары туралы халық арасында ақпараттық-түсіндіру жұмыстарын жандандыруды тапсырды.
Құрметті аудан тұрғындары мен қонақтары!
Шортанды ауданының әкімдігі Сіздің назарыңызға келесі қорғану шараларының сақталу тәртібін ұсынады:
- Сауда және дәріхана объектілеріне бару кезінде, сондай-ақ жұмыс орындарында бір-бірінен кемінде екі метр қашықтықты сақтау;
- Респираторлық инфекцияның алғашқы белгілері пайда болған кезде (мұрын, түшкіру, дене қызуы) жедел медициналық жәрдем шақыру арқылы медициналық ұйымдарға бармай, үйде медициналық көмек алу үшін дереу хабарласу керек;
- Көшелерде және басқа да қоғамдық орындарда топтық жиналыстардан бас тарту;
- Ересектердің қадағалауынсыз балалардың өз бетімен жүруіне, сондай-ақ 65 жастан асқан адамдардың мекен жайынан шығуға тыйым салынады.
