Көкшетауда вирусқа қарсы дәрі-дәрмектерді заңсыз сатқандар ұсталды, – деп хабарлайды «Aqmola News» Ақмола облысының полиция департаментінің баспасөз қызметіне сілтеме жасап.
Осы жылдың 6 шілдесінде Көкшетау қаласының тәртіп сақшылары көтерме бағаен дәрі-дәрмектер сатып жүрген 42 жастағы Көкшетау қаласының тұрғыны ұсталды.
Ол өз үйін дәріханаға айналдырып, түнгі уақытта дәрі-дәрмектерді қымбат бағада сатып келген. Дәл сол күні кәсіпкер қолға түсіп, заңсыз дәрі саудалап жүргені анықталды. Үйді тінту кезінде полицейлер 30 қорап ибуфен, 10 қорап аспирин және парацетамол дәрілерін тауып алды, – деді Ақмола облысы полиция департаментінің баспасөз қызметінен.
Қазір аталған факт бойынша Қазақстан Республикасы қылмыстық кодексінің 214 бабының 1 тармағы «заңсыз кәсіпкерлік қызмет» бойынша сотқа дейінгі тіргеу амалдары жүргізілуде. Тергеу амалдары жалғасып жатыр.
Естеріңізге сала кетейік Мемлекет басшысы дәрі-дәрмектерді қымбат бағамен сату фактілерін анықтау және кінәлілерді жауапкершілікке тарту жөнінде тапсырма берген.
