Құрылтай – ел бірлігін нығайтатын маңызды алаң

Қоғамның тұрақты дамуы мен елдің болашағын айқындауда халықтың пікірін тыңдау, ортақ мәселелерді талқылау және өзара түсіністікті нығайту маңызды. Осы тұрғыдан алғанда, Құрылтайдың орны ерекше.
Құрылтай – қоғамның түрлі топтарының басын қосып, ел үшін маңызды мәселелерді ашық талқылауға мүмкіндік беретін қоғамдық диалог алаңы. Оның негізгі мәні – азаматтардың ұсыныстары мен пікірлерін ортақ мақсаттарға ұштастырып, қоғамның өзекті мәселелеріне бірлесіп назар аудару.
Құрылтай аясында көтерілетін мәселелер елдің әлеуметтік-экономикалық дамуы, қоғамдық келісім, ұлттық құндылықтар, жастардың болашағы, білім мен мәдениет, еңбек және басқа да маңызды бағыттарды қамтиды. Бұл – мемлекет пен қоғам арасындағы өзара байланысты нығайтуға ықпал ететін маңызды тетік.
Бүгінде еліміздің басты құндылықтарының бірі – тұрақтылық пен қоғамдық келісім. Әртүрлі көзқарастар мен пікірлердің тоғысуы, ортақ мәселелердің сындарлы түрде талқылануы қоғамның бірлігін күшейтеді. Құрылтай осы бағытта азаматтық жауапкершілікті арттырып, ел тағдырына бейжай қарамайтын белсенді қоғам қалыптастыруға ықпал етеді.
Шортанды аудандық ардагерлер кеңесінің мүшесі Кизаева Тукен Дамековна