Ақмолада құны 9 миллион 750 мың теңгеге бағаланған жоғалған асылтұқымды ешкілер табылды, – деп хабарлайды Azattyq Rýhy тілшісі Ақмола облысының полиция департаментінің баспасөз қызметіне сілтеме жасап.
Жоғалған 34 ешкіні полиция бірнеше сағаттың ішінде Елордаға жақын жерден тапқан.
Осы жылдың 23 маусымында Целиноград аудандық полиция бөліміне Нұр-Сұлтан қаласының 36 жастағы тұрғыны 34 бас «ағылшын-нубиялық тұқымды» ешкілерінің жазғы қоршаудан жоғалып кеткенін хабарлап, арыз берді. Шығын сомасын жәбірленуші 9 миллион 75 мың теңгеге бағалады. Тәртіп сақшылары бірден аталған факт бойынша қылмыстық кодекстің 188 бабының 1 тармағымен «Мал ұрлығы» қылмыстық іс қозғады. Іздестіріу шараларын өткізу үшін полиция екі топқа бөлініп қылмыскерді анықтауға кірісті. Қылмысты ашуға иісшіл ит «Графтың» көмегі тиді. Ол полицейлерді Елорда бағытындағы егіс даласына апарған. Арада аздаған сағат өткенде ешкілер Нұр-Сұлтан қаласының шетінен табылып, иесіне қайтарылды, – деді Ақмола облысы полиция департаментінің баспасөз хатшысы Әсем Әбдірахманова.
Қазіргі уақытта ұрлық фактісі бойынша қозғалған іс құрамында қылмыстық белгілер болмағандықтан тоқтатылған. Полиция тұрғындарды көп жағдайда иелерінің малды бағуда ұқыпсыздығының салдарынан барымташылардың жеңіл олжасына айналатынын, сондықтан аса сақ болуларын сұрайды.
