«Достар» мәдениет сарайында погондағы ер азаматтар арасында «Ер намысы — Ел намысы-2024» атты қалалық байқауы өтті. Жыл сайын өткізілетін бұл дәстүрлі байқау әскери қызметшілердің және қала жұртшылығының көңілінен шығып, керемет оқиға айналды.
Байқаудың мақсаты – әскери қызметтің беделін арттыру, жастардың Отан қорғаушы мамандығына деген қызығушылығын қалыптастыру және өскелең ұрпақты патриоттықа тәрбиелеу.
Биыл байқауға №55\10 әскери бөлімнің, полиция, төтенше жағдайлар, қорғаныс істері Департаменттерінің, Ақмола облысының қылмыстық-атқару жүйесінің, Көкшетау қаласының мамандандырылған өрт сөндіру бөлімінің офицерлері қатысты.
Қатысушылар өз күштері мен өнерлерін бес номинация бойынша көрсетті: «Салтанатты киімдегі Дефиле», «Өзін-өзі таныстыру», спорттық жарыстар, шығармашылық конкурс және «Классикалық костюмдегі Дефиле».
Байқаудың бірінші кезеңінде офицерлер өздерінің әскери дайындықтары мен саптық дайындықтарын көрсеткен салтанатты киімде дефиле көрсетті. Екінші кезеңде әр қатысушы бейнематериалдардың сүйемелдеуімен өз қызметі, сүйікті ісі және жалпы өмірі туралы баяндап, өзін таныстырды. Байқаудың спорттық бөлімі күш сынасқан — армрестлинг жарыстарын қамтыды. Шығармашылық байқау көрермендерге вокалдық өнерлерін, күрес әдістерін көрсету және поэтикалық қойылымдарды ұсынды.
Зал жанкүйерлерге толып, қатысушыларды қолдап келген әріптестері мен достары қошемет көрсеті
Екі сағат бір демде өткен «Ел намысы – Ел намысы-2024» жобасы қатысушылар өнерлерін тамашалаған көрермендердің көзайымына айналып, жұртшылықтың қызығушылығын арттырды.
Байқауға қатысқан офицерлердің өнерлері мен күштерін тамашалаған әділ қазылар иелері келесідей нәтижелерді жариялады.
Бірінші орынды Қалымбек Шерхан №2 мамандандырылған өрт сөндіру бөлімінің аға сөндірушісі иеленді.
Екінші орын Нұрсұлтан Махметов Көкшетау қаласының патрульдік полиция басқармасының кинологиялық батальоны командирі алды.
Үшінші орынды Серік Әділет Көкшетау қаласының №10 өрт сөндіру бекетінің қарауыл бастығы иеленді.
Барлық қатысушылар ұйымдастырушылардан дипломдар мен естелік сыйлықтармен марапатталды.
Байқау жас офицерлер арасында бірлестік пен патриотизмнің керемет көрінісі болып, олардың жоғары кәсібилігі мен қызметке адалдығын мықты көрсетті.
