Көкшетау қаласының мәдениет, тілдерді дамыту, дене шынықтыру және спорт бөлімі жанындағы Тілдерді оқыту орталығы 2024 жылғы 18-қарашадан 20- желтоқсанға дейін мемлекеттік тіл бойынша емтихандар өткізеді.
Бұл емтиханның негізгі мақсаты – қазақ тілінің мәртебесін арттыру, тыңдаушылардың оны оқуға деген ынтасын дамыту.
Емтихандар Қазақстан азаматтарының да, өз қызметін ел аумағында жүргізетін шетел азаматтарының да мемлекеттік тілді меңгеру деңгейін объективті бағалауға мүмкіндік беретін ҚАЗТЕСТ бағдарламасы бойынша өткізіледі.
Биыл емтихандарды 282 тыңдаушы — мемлекеттік қызметшілер мен бюджеттік ұйымдардың қызметкерлері тапсырады.
Емтихан нәтижелері бойынша әрбір қатысушыға мемлекеттік үлгідегі сертификат беріледі.
Жыл сайын жергілікті емес ұлт өкілдері арасында қазақ тілін үйренуге деген қызығушылық артып келеді, бұл әлеуметтік интеграция деңгейінің жоғарылауын және елдің тілдік алуан түрлілігін құрметтеуді көрсетеді.
Орталықта мемлекеттік тілді меңгергісі келетіндердің барлығына тегін көмектесуге дайын 10 тәжірибелі оқытушы жұмыс істейді. Тиімді оқыту үшін барлық қажетті жағдайлар жасалған: заманауи оқу және мультимедиялық кабинеттер, сондай-ақ оқытудың инновациялық әдістемелері.
Бұл емтихан өңірдегі тілдік ортаны жақсарту және азаматтардың қазақ тілін үйренуге жоғары ынтасын қолдау жолындағы маңызды қадамға айналуда.
