Мемлекет басшысы барлық деңгейдегі мәслихаттар депутаттарының II республикалық форумында сөз сөйледі.
Президент Қасым-Жомарт Тоқаев өз сөзінде мәслихаттың мемлекеттік биліктің өте маңызды тармағы екенін атап өтіп, 2022 жылы референдум арқылы Конституцияға маңызды өзгерістер енгізілгеніне, соның нәтижесінде Парламенттің рөлі айтарлықтай күшейгеніне, жалпы билік институттарының жұмысын жетілдіру үшін нақты шаралар қабылданғанына назар аударды, деп хабарлайды Ақорда.
Ауқымды кездесуге Көкшетау қаласы мәслихат төрағасы Әкімов Дастан қатысты. Іс – шара туралы білдірген пікірінде ол өткен кездесудің қаншалықты маңызды екенін айтты.
– Көкшетау қаласы мәслихатының төрағасы ретінде Президенттің Amanat партиясы ұйымдастырған республикалық ІІ мәслихат депутаттарының форумындағы көтерген мәселелерімен толық келісемін. Мәслихаттар жергілікті өкілді органдар ретінде қоғам өмірінде маңызды рөл атқарады. 2022 жылғы референдум нәтижесінде Конституцияға енгізілген өзгерістер мәслихаттардың өкілеттіктерін айтарлықтай күшейтіп, жергілікті мәселелерді тиімді шешу және халықпен өзара іс-қимылды жақсарту үшін жаңа мүмкіндіктер ашты, – деп атап өтті Дастан Алтайұлы.
Amanat партиясы ұсынған форматтағы форум жергілікті өзін-өзі басқару жүйесін дамытудағы негізгі мәселелерді талқылауға арналған маңызды алаң болды. Депутаттар тәжірибе алмасып, қазіргі сын-қатерлерді талқылап, жергілікті мәселелерді шешудің жаңа жолдарын ұсынуға мүмкіндік алды. Партия өңірлердегі халықтың әл-ауқатын арттыру мақсатында депутаттарды қолдап, жүргізіліп жатқан реформалар аясында децентрализацияның маңыздылығын көрсетіп отыр.
Біздің жұмысымыздың басты бағыты – тұрғындардың бастамаларын қолдау. Децентрализация және жаңа өкілеттіктердің арқасында біз қаламыздың қажеттіліктеріне жедел және дәл жауап бере аламыз. Бұл реформалар әрбір депутаттың өз жұмысы үшін жауапкершілік сезініп, мәслихаттың белсенді және есеп беретін органға айналуына ықпал етеді. Осындай форумдарда орталық мемлекеттік органдармен тікелей диалог құру мүмкіндігі бізге мемлекеттік басымдықтарды жақсы түсінуге және тұрғындардың талаптарына сай шешімдер қабылдауға көмектеседі.
Сонымен, Amanat партиясының форумы мен Президент айтқан реформалар халықтың өмір сүру сапасын арттыруға және жергілікті басқарудың тиімділігін жақсартуға арналған нақты құралдар береді.
