Биыл қаңтардың екінші онкүндігінде Сандықтау ауданындағы «Жас дәурен» балалар сауықтыру лагерінде Атбасар, Бурабай, Зеренді аудандары мен Көкшетау қаласының оқушыларына арналған «Ұлы дала елі» ауысымы өтті. 10 күндік ауысымға 60-қа жуық ақмолалық оқушы барып, оқу мен демалыстарын біріктірді.
Оқушылар үшін коммуникативтік дағдыларды дамыту үшін тренингтерден, тимбилдинг, жылжымалы ойындардан тұратын ауқымды бағдарлама ұсынылған. Балалардың физикалық белсенділігі үшін лагерь кестесінде таңертеңгілік жаттығулар, эстафеталарға да уақыт беріледі және қыс ашық ауада көңілді өтетіні бәріне мәлім.
Лагерь директоры Арман Өмірзақовтың айтуынша, біздің облыстың киелі тарихы туралы идеяларды кеңейту мақсатында балаларға арналған «Ақмола облысының киелі картасы» атты жылжымалы көрме ұйымдастырылып, онда облыс аумағында жүргізілген археологиялық қазбалардан алынған артефактілер ұсынылды.
–Күні бойы балалардың 10 мың дана қоры бар кітапханаға баруға, сәндік-қолданбалы өнер әлеміне енуге және токарлық станокта жұмыс істеу тәсілдерін меңгеруге мүмкіндігі бар. Күн сайын асханада балаларды түрлі тағамдармен, балғын жеміс-көкөністермен тамақтандырады, – деді лагерь директоры Арман Өмірзақов.
Айта кетейік, мұндай әртүрлі және алуан түрлі демалыс «Жас дәурен» балалар лагерінде қысқы демалысты ұмытылмас етуге мүмкіндік береді.
Ақмола облыстық білім басқармасының баспасөз қызметі.
