Облыс орталығындағы «Достар» мәдениет сарайының әртістері сахналаған «Дени айдаһарының қазынасы» атты ертегісі қала балалары мен оқушыларының көңілінен шыққан әсер қойылым.
Жаңа жыл қарсаңында ұйымдастырылған ертегі қойылымы күніне үш реттен өткізілді. Кішкентай көрермендерге Кішкентай айдаһар, Аяз Ата, Ақшақар, Супер-қоян, Баба-Яга, Избушка-мушка атты ертегі кейіпкерлерін сомдаған әртістердің ойыны ұнағаны соншалық, кей балалар ертегіні қайта-қайта көруге келіпті.
Қысқы демалыс кезінде «Дени айдаһарының қазынасын» тамашалауға 3 мыңнан астам балалар мен жасөспірімдер, балабақша тәрбиеленушілері мен ата-аналары келді.
–Жаңа 2024 Ұлу жылын біраз халықтар айдаһар жылы деп атайды. Соған орай қойылған қойылым болды. Балаларға қызықты әрі тартымды ұйымдастырылған. Үш баламызбен келіп тамашаладық, айдаһардың қазынасын «бірге іздедік»,–дейді көкшетаулық Гүлжайнар есімді ана.
