Ақмола облысында полицейлер тракторшының қайтыс болу фактісі бойынша тергеу жүргізуде

Ағымдағы жылдың 2 қаңтарында сағат 20.00 шамасында Бұланды полиция бөліміне өңірдегі ЖШС-нің бірінде болған оқиға туралы хабарлама келіп түсті.
Оқиға орнына келген жедел-тергеу тобы кәсіпорын қызметкері жұмыс орнында болған кезде жарақат алып, нәтижесінде ауруханада қайтыс болғанын анықтады.
Өндірісте қаза болу фактісі ҚР Қылмыстық Кодексінің 156-бабының 3-бөлігі «Еңбекті қорғау ережелерін бұзу» бойынша СДТБТ-ға енгізілді.
Іс бойынша сот-медициналық сараптама тағайындалды, сондай-ақ мемлекеттік еңбек инспекторымен арнайы тергеу жүргізілуде.