Жылдың балалар жаттықтырушысы: күн сайын өз міндеттерін жоғары деңгейде орындағандықтан, көшбасшылығы үшін танылды.
Астана қаласында Қазақстан Республикасы Туризм және спорт министрлігінің ұйымдастыруымен 2023 жылдың қорытындысы бойынша «Үздік» спортшыларын салтанатты марапаттау рәсімі өтті.
Жыл сайын өткізілетін дәстүрлі шарада жыл бойына ел намысын жоғары тұғырларда көрсеткен спортшылар, спорт саласына сүбелі үлес қосқан сала мамандары, спорт қайраткерлері және тағы басқалар 18 аталым бойынша марапатталды.
Қазақстанда және Ақмола облысында баскетболдан балалар мен жасөспірімдер спортын дамытуға қосқан зор үлесі үшін Көкшетау қаласының баскетбол жаттықтырушысы Виктория Волкова жылдың үздік балалар жаттықтырушысы атанды.
Ол 15 жылдан бері балаларды жаттықтырады. Осы уақыт ішінде Виктория Олеговнаның жетекшілігімен әртүрлі жастағы командалар 10-нан астам рет Қазақстан чемпионы атанды. Ұлттық құрама сапында 20-ға жуық адам болды.
Виктория Волкованың өзі атап өткендей, бұл кубок бір адамға емес, командаға, барлық ойыншыларға, жаттықтырушыларға, қызметкерлер мен басшылыққа беріледі.
«Бұл сыйлықты алу – үлкен мәртебе. Біздің команда тамаша маусымдары, жеңістері мен рекордтары үшін мақтауға ие болды. Ең маңызды мақсат әлі алда болса да, бар ойымыз маңыздырақ келесі ойындарға бағытталған», – деді В.Волкова.
