Ақмола облысында «Пиротехника» ЖМК басталады

Пиротехникалық бұйымдарды заңсыз әкелу, сақтау, өткізу және пайдалану фактілерін анықтау және жолын кесу мақсатында 2023 жылғы 25 желтоқсаннан 2024 жылғы 3 қаңтарға дейін Ақмола облысының аумағында «Пиротехника»жедел-профилактикалық іс-шарасы басталады.
Қазіргі уақытта полиция қызметкерлері өртке қарсы қызмет бөлімшелерінің және мүдделі мемлекеттік органдардың қызметкерлерімен бірлесіп базарларда, сауда үйлерінде, дүкендерде сертификатталмаған пиротехникалық бұйымдармен сауда жасау фактілерін анықтау бойынша, сондай-ақ рұқсат құжаттарынсыз тексерулер ұйымдастырды.
Ақмола облысының полиция департаменті пиротехникалық бұйымдарды контейнерлерден тыс сатуға және пиротехникалық бұйымдарды сақтауға тиісті лицензиясы мен рұқсаты жоқ адамдарға қатаң тыйым салынғанын ЕСКЕРТЕДІ. Пиротехникалық өнімдерді ашық павильондарда, автокөліктерден, шатырларда және т. б. сатуға тыйым салынады.
Естеріңізге сала кетейік, сапасыз және сертификатталмаған пиротехниканы дұрыс сақтамау, сондай-ақ сату және пайдалану өртке, жарақатқа және мертігуге әкелуі мүмкін.
Құқық бұзушылықтар анықталған жағдайда ҚР ӘҚБтК-нің 196-бабы бойынша «тауарлармен немесе өзге де заттармен заңсыз сауда жасау» бойынша әкімшілік хаттама жасалады және қарау үшін әкімшілік сотқа жіберіледі.