2023 жылы Ақмола облысының әділет департаменті өңір тұрғындары үшін құқықтық көмектің қолжетімділігі мен тиімділігін қамтамасыз етуге арналған бірқатар инновациялық бастамаларды игере отырып, құқықтық саладабіршама оң нәтижеге қол жеткізді. Бұл туралы өңірлік коммуникациялар қызметінің ақпараттық алаңында өткен брифинкте Әлмеш Баукен толығырақ баяндады.
Әлемдік цифрлық трансформация аясында департамент «цифрлық нотариат» сервисін енгізді, ол нотариаттық құжаттарды ресімдеуді түбегейлі жеңілдетіп, жеделдетті. Бұл қызмет eGovMobile мобильді қосымшасы арқылы қол жетімді болды және азаматтардың кең қолдауына ие болды, бір жылда шамамен 15000 транзакция жасады.
«Сонымен қатар, адвокаттар мен нотариустарды автоматтандырылған аттестаттау бойынша пилоттық жоба іске қосылды, ол ашықтықты қамтамасыз ету және біліктілікті іріктеу процесін жақсарту үшін озық технологияларды енгізудің үлгісіне айналды. 19 желтоқсанда Ақмола облысында іске қосылғаннан бастап жоба 500-ден астам үміткерге автоматтандырылған режимде аттестаттаудан өтуге мүмкіндік берді»,- деп атап өтті Ақмола облысының әділет департаментібасшысы Әлмеш Баукен.
Мемлекеттік заң көмегіне қолжетімділікті кеңейтуге бағытталған заңнамалық өзгерістер шеңберінде 11мыңға жуық азаматқа қолдау көрсетілді, оның ішінде 7 815 қылмыстық, 168 азаматтық және 391 әкімшілік істерді қарау, сондай-ақ 2 602 құқықтық кеңес беру жұмыстары жүргізілген.
« Сонымен қатар, айта кетерлік тағы бір маңызды жайт, «Мүлік иелерінің бірлестігін онлайн тіркеу» жобасы тұрғындарды бірлесіп иеленетін 297-ге жуық нысанды электрондық тіркеуге мүмкіндік берді, бұл үйлерді басқарудың ашықтығы мен автоматтандырылуын қамтамасыз еттіп, азаматтар үшін уақыт пен әкімшілік шығындарды айтарлықтай қысқартты»,-деп бөлісті спикер.
Департамент қызметінің маңызды аспектісі алимент өндіріп алу проблемасымен күресу. 2023 жылы борышкерлерге қатысты 71 ұсыныс енгізілді, бұл әртүрлі негіздер бойынша 51 істі тоқтатуға және сотқа 10 ұсыныс жіберуге әкелді. Сонымен қатар, 201 борышкер әкімшілік жауапкершілікке тартылған.
«Алимент өндіріп алу шараларына сүйене отырып, борышкерлерді жұмысқа орналастыру үшін 16 Бос орындар жәрмеңкесі өткізілді, нәтижесінде 68 адам жұмысқа орналастырылды»,-деп тілге тиек етті Әлмеш Баукен.
Ақмола облысы Әділет департаментінің мұндай қадамдары цифрлық трансформацияға деген ұмтылысты ғана емес, әлеуметтік әділеттілікке және өңір азаматтарының өмір сүру сапасын жақсартуға деген қамқорлықты да көрсетеді.
Камила Әбделманова
