Жоба 13 жылдан бері жүзеге асырылып келеді. «Samruk-Kazyna Trust» әлеуметтік жобаларды дамыту қорының бас директоры Альфия Адиева келесі жылы да Қор Денсаулық сақтау министрлігінің қажеттілігіне қарай осы маңызды жобаны қаржыландыру мәселесін қарастыруға дайын екенін айтты.
«Келесі жылы Денсаулық сақтау министрлігі аталған жоба аясында ынтымақтастықты жалғастыруды жоспарлап отыр. Сондай-ақ, бүгінгі күні «Ауылдық денсаулық сақтауды жаңғырту» ұлттық жобасы іске асырылуда, оның шеңберінде 2026 жылға дейін 655 алғашқы медициналық-санитариялық көмек нысандарын салу көзделген. Әрине, жыл сайын ауылдық денсаулық сақтау нысандарының инфрақұрылымы жақсарып келеді. Жаңа нысандарды ескере отырып, елді мекендердің кестесі мен саны қайта қаралуда», – деп түсіндірді ДСМ медициналық көмекті ұйымдастыру департаменті директорының орынбасары Гүлнәр Сәрсенбаева ОКҚ алаңында өткен баспасөз конференциясында.
