Экономикалық және әлеуметтік даму жолында Халықаралық еріктілер күнін мерекелеу құрметіне Полиция департаментінде есірткіге тәуелділіктің алдын алу мәселелерінде полицияға жәрдем көрсететін еріктілерді марапаттау рәсімі өтті. Белсенді жастарды Департаменттің бірінші басшысы полковник Нұрсұлтан Мұқашев қарсы алды.
Жас еріктілерге қылмысқа қарсы іс-қимыл басқармасының бастығы Виталий Гудименко құттықтау сөз сөйледі. Есірткіге қарсы полицейдің айтуынша, биыл «Феникс» еріктілер орталығының, «Есірткісіз болашақ» корпоративтік қорының, «Зерделі ұрпақ» қоғамдық бірлестігінің қатысуымен 40-тан астам түрлі профилактикалық іс-шара өткізілді, оның ішінде есірткі жарнамасын жою бойынша рейдтер, ақпараттық буклеттер тарату, әлеуметтік театр арқылы есірткі проблемасы туралы ақпаратты жеткізу арқылы халықты ақпараттандыру және т.б.
Еріктілердің жоғалған адамдарды, әсіресе балалар мен қарттарды іздеу бойынша іздеу шараларын жүргізуге қосқан үлесін бағалау мүмкін емес. Өткен аптада құқық қорғау органдары мен қоғам белсенділері тығыз қарым-қатынаста «Құқықтық тәртіп» кең ауқымды арнайы операциясын өткізді.
Бүгінгі таңда Ақмола облысының аумағында, құқықтық тәртіпті қамтамасыз етуге саны 3 мыңнан асатын 80-нен астам еріктілер орталықтары белсенді қатысуда. Жоғары оқу орындарында, колледждерде және мектептерде бес мың еріктіден тұратын жасақтар құрылды.
