Адамның «Моя ферма» деген тіркесіне ассоциациясы қандай болады? Ол жер учаскелері ауыл шаруашылығы мен мал шаруашылығына пайдаланылатын, адамдар егін, мал өсіретін орынды елестетуі мүмкін. Алайда, Целиноград ауданының тұрғындары «Моя ферма» деген тіркесті йогурт, қаймақ, сүт және басқа да өндірушілердің өнімдерімен байланыстырады.
Целиноград ауданында сүт өңдеу кәсіпорнын салу бойынша инвестициялық жобаны іске асыру өз мәресіне жетті.
«Нұрлы» ӨК-те «Моя ферма» сүт зауытының салтанатты ашылуы өтті. Жобаның тұсаукесерін кәсіпорын директоры Қуаныш Найман ашты.
«Зауыт бес айда салынды. Жобаның құны 130 млн. теңгені құрады. Жабдық сатып алынды. Қазіргі уақытта іске қосу-жөндеу жұмыстары жүргізілуде. Зауыт тәулігіне 3000 тоннаға дейін сүт өңдей алады, бүгінгі күні көлемі тәулігіне 1200 литрды құрайды. Өндірісте
13 жұмыс орны құрылды», – деді Қуаныш Найман.
Өз кезегінде Целиноград ауданының әкімі Бахыдбек Оспанбеков «Біз әрқашан тамақ және қайта өңдеу өнеркәсібін дамытуға мүдделіміз және барлық ауыл шаруашылығы өндірушілеріне қолдау көрсетуге дайынбыз. Бізде кәсіпкерлік пен экономиканы дамыту мақсатында қолайлы жағдайлар жасау үшін барлық қажетті ресурстар мен әлеует бар. Өздеріңіз білетіндей, соңғы 5 жыл ішінде «Моя ферма» ЖШС өнімдері бізді барлық ауыл шаруашылығы жәрмеңкелерінде сүйемелдейді. Бұл біздің ауыл экономикасы мен ауыл шаруашылығы секторын дамытуға қосқан үлесіңіздің дәлелі», – деп атап өтті
Қызыл лентаны кесудің салтанатты рәсімінен кейін сүт зауытына экскурсия өтіп, өз кезегінде керемет дәм мен сапамен қуантқан өнімнің дәмін татумен жалғасты.
«Моя ферма» компаниясы экологиялық таза және сапалы өнімдер шығарады: сүт, айран, май, қаймақ, йогурт, сүзбе және т.б. Бүгінде ол елордалық «Фермаг», «Вкусмарт», «Гастроном», «Aqmol», «Ecoshop», «Eco№1», «Interfood», «Galmart» дүкендерінің сөрелерінде ұсынылып, оған қоса ауыл шаруашылығы өнімдерінің жәрмеңкелерінде сатылады. Болашақта сату географиясын кеңейту жоспарлануда.
Целиноград ауданы әкімдігінің баспасөз қызметі
