2023 жылғы 28-29 қыркүйек аралығында Алматы облысы, Жамбыл ауданы,Ұзынағаш ауылында жалпы білім беретін мектеп оқушылары арасында «Жыр алыбы – Жамбыл» атты республикалық жас ақындар айтысы өтті.
Оқушылар арасында Жамбыл Жабаевтың шығармаларын насихаттау, суырып салмалық қабілеттерін, табиғи дарындарын анықтау және айтыскер жас ақындарға әлеуметтік-рухани қолдау көрсетіп, олармен шығармашылық жұмыс түрлерін жандандыру мақсатын көздейтін сайыс екі номинация бойынша өтті:
1.Тақырыптық айтыс
2.Қайым айтыс
Республикалық жас ақындар айтысы қорытындысы «Қайым айтыс» номинациясы бойынша ІІ-дәрежелі дипломмен 100 000 теңгелік ақшалай сертификатпен – Ерейментау ауданы, Еркіншілік ауылының жалпы орта білім беретін мектебінің 9-сынып оқушысы Серигболатұлы Сәттібек марапатталды.
