Көкшетау қаласында қоғамдық тәртіпті күзету бойынша жауынгерлік қызметті атқару барысында 5510 әскери бөлімінен жасақталған әскери жасақ, құрамында: әскери жасақ бастығы қатардағы Александр Волков және патрульшілер қатардағы Евгений Карпов пен Владислав Вебер патрульдеу бағытында М. Жұмабаев көшесі бойынша № 43А үйдің жанында күдікті азаматты анықтады, ол әскери жасақты көрген бетте жасырынуға тырысқан.
Әскери жасақтың білікті әрекетімен азамат «А» ұсталып, Көкшетау қаласының полиция басқармасына жеткізілген, сөмкені және ішкі қалтасын тексеру барысында 20 дана «Трамадол» таблеткасы бар пластикалық пакет, шығу тегі белгісіз таблеткалары бар қара оқшаулағыш таспамен байланған екі пакет, электрошокер және «Горилла» энергетикалық сусынның екі қаңылтыр банкасы тәркіленді, онда жасыл түсті өсімдік тектес зат болған.
Ұсталған адам күнәсін мойындады және одан әрі тексеріс жүргізу үшін Көкшетау қаласының полиция басқармасына тапсырылды.
«Орталық» ӨңҚ баспасөз қызметі
