«Буллинг» – таяуда ғана қолданысқа енген термин. Ағылшын тілінде бұл сөз «кемсіту», «келемеждеу», «шеттету» деген ұғымды береді. Бейресми мәліметке сүйенсек, елімізде әрбір үшінші жасөспірім буллинг құрбанына айналып отыр. Бұғанасы қатаймаған бүлдіршіндердің ең көп буллингке ұшырайтын ортасы – мектеп. Ал тиісті органдар жас жеткіншектерді бұл қоғамдық құбылыстан қалай қорғайды? Мамандар буллингке ұшыраған балаларға кімдер қолдау көрсетіп отыр? Дәл осы сауалдарға облыстық білім басқармасы басшысының орынбасары Валерий Гамазов жауап берді.
Өткен жылы Оқу-ағарту министрлігі «Орта білім беру ұйымдарындағы психологиялық қызметтің жұмыс істеу қағидаларын» бекітті. Осының негізінде облыстағы 542 мектеп пен 32 колледжде психологиялық қызметтер өз жұмысын бастады, жұмысқа 413 кәсіби педагог-психолог маман тартылды. Бұл мамандар облыс мектептерінде балалардың білім алуына қолайлы және қауіпсіз орта қалыптастыру мақсатында еңбек етуде.
Сонымен қатар өткен жылдың аяғында «Баланы жәбірлеудің (булингтің) алдын алу ережелерін» бекітті. Соған сәйкес облыс бойынша 385 мектепте медиациясы қызметтері құрылды.
Фото: iz.ru
