Қорғалжын ауданындағы Нұра өзеніне суға шомылған жас жігіт суға кетті, – деп хабарлайды «Aqmola news» Ақмола облысының төтенше жағдайлар департаментінің баспасөз қызметіне сілтеме жасап.
Жасөспірім жігіт суға түсуге арналмаған жерде шомылғаны анықталды. Сабынды ауылынан 12 шақырым жердегі Нұра өзеніне кеше кешкі бестер шамасында суға түскен 18 жастағы жігіт батып кеткен. Төтенше жағдайлар қызметкерлері жігіттің мәйітін тек бүгін таңғы сегіздер шамасынд іздеп тапты. Мәйітке сот медициналық сараптамасы тағайындалды, – деді төтенше жағдайлар департаментінің баспасөз қызметінен.
