Дәстүр бойынша, қыркүйектің соңғы күндерінде әділет органдарының қызметкерлері өздерінің кәсіби мерекелерін атап өтеді. Биыл Қазақстан Республикасында ведомство құрылғанына 30 жыл толды.
Көкшетаудағы салтанатты шарада Ақмола облысының әкімі Ермек Маржықпаев заң қоғамдастығының барлық өкілдерін мерейтойлық күнімен құттықтады, деп хабарлайды әкімнің баспасөз қызметі.
«Қазақстан Республикасы Тәуелсіздік алған сәттен бастап әділет органдары құқықтардың үстемдігін адамның да, азаматтың да бостандықтарын қамтамасыз етуге бағытталған ұлттық заңнаманы қалыптастыруға қатысады. Қазақстан Республикасында мемлекеттілікті дамыту, заңнаманы жетілдіру, азаматтардың конституциялық құқықтары мен заңды мүдделерін іске асыру және қорғау сіздердің осы міндеттерді іске асыруларыңызға байланысты», – деп атап өтті өңір басшысы.
Құттықтау сөзінде Ермек Маржықпаев сала ардагерлерінің ерекше үлесін атап өтті.
«Әділет органдарының барлық қызметкерлері әрқашан жоғары сауаттылықпен, қызметтік борышына адалдығымен және жеке парасаттылығымен ерекшеленді. Осы қасиеттердің барлығында Трищ Павел Станиславович, Оспанова Күлпаш Балтабайқызы, Жаңбырбаева Сәуле Кәрімқызы, Дикая Людмила Николаевна, Абдуахитова қымбат Тоқешқызы сияқты әділет ардагерлері бар», – деді облыс әкімі.
Әділет органдарындағы көпжылдық және адал жұмысы үшін бірқатар ақмолалықтар ведомстволық наградалармен, Әділет Министрі мен облыс әкімінің алғыс хаттарымен марапатталды. Сондай-ақ, ведомствоның 30 жылдығы аясында өткен спартакиада жеңімпаздары марапатталды.
Іс-шара облыстық халық шығармашылығы орталығы қызметкерлерінің қатысуымен концерттік бағдарламамен аяқталды.
