Көкшетауда америкалық «John Deere» ауыл шаруашылық техникасына қызмет көрсететін заманауи сервистік орталық салынуда. Бұл туралы Көкшетау қалалық әкімдігі мәлім етті – деп хабарлайды «Aqmola news».
Уәлиханов көшесінде орналасқан құрылыс учаскесінің жалпы ауданы 10 гектарды құрап отыр. Ал ауыл шаруашылық техникаларына сервистік қызмет көрсететін орталықтың аумағы 13 000 шаршы метр болмақ. Қазіргі таңда өңірдің ауыл шаруашылық компанияларында кеңінен қолданысқа енген «John Deere» сервистік орталығында әкімшілік кеңсе ғимаратымен қоса қосалқы бөлшектер қоймасы мен техникаларды жөндеу және қызмет көрсететін шеберханалар да салынбақ.
