Өткен демалыс күндері Бурабай ауданының құтқарушыларына Нұр-Сұлтан қаласының 65 жастағы тұрғыны «Бөлектау» тауына көтеріліп, кенеттен жүрек аймағында ауырсынуды сезінгендігі туралы хабарлама келіп түсті. Құтқарушылар зардап шегушіні 275 м биіктіктен түсіріп, жедел жәрдем көлігіне тапсырды, таудың жалпы биіктігі – 450 м, – деп хабарлайды Ақмола облысы ТЖД баспасөз қызметі.
Оқиға орнына ТЖД Жедел-құтқару жасағының күштері 4 қызметкер, 1 бірлік техника және 1 жүзу құралы, құтқарушылардың кезекші ауысымы – Әлихан Сатыбаев, Қанат Сатыбаев және Евгений Ляхов шыққан болатын.
Ақмола облысының ТЖД таудағы қауіпсіздік шараларын сақтау қажеттігін ескертеді.
Ақмола облысы ТЖД баспасөз қызметі
