Ақмолалық мемлекеттік қызметшілердің біліктілігін арттыру мақсатында онлайн семинарлар өткізілуде, – деп хабарлайды «Aqmola news».
Бұл туралы ҚР Президенті жанындағы мемлекеттік басқару академиясының Ақмола облысы бойынша филиалы мәлім етті.
Филиал 24 сағаттық онлайн семинар ұйымдастырды. Семинардың мақсаты мемлекеттік қызмет саласында адами капиталды басқару жүйесін дамытуға бағытталды. Оқу Microsoft Teams, Moodle интернет-платформалары базасында жүргізіледі. Семинарда әрбір қатысушымен бейнебайланыс орнатылып, материалдарды толық игеруге мүмкіндік береді, – деді мемлекеттік басқару академиясы филиалының баспасөз қызметінен.
Семинар кезінде мемлекеттік қызметшілер топтық чатта мәтіндермен, сурет және аудиожазбалармен бөлісті. Онлайн түрде өткізілетін семинар қазіргі кезеңде аса маңызды, – дейді ұйымдастырушылар.
