Ақмола облысындағы іргелі кәсіпорындардың бірі «Көкшетау минералды сулары» көкшетаулық полицейлерге қызметтік автокөлік сыйлады, – деп хабарлайды «Aqmola news» Ақмола облысының полиц ия департаментінің баспасөз қызметіне сілтеме жасап.
Салтанатты түрде полиция басқармасының мәжіліс залында өткен шараға полиция департаментінің бастығы, генерал-майор Арманбек Баймурзин мен Көкшетау қаласының әкімі Амангелді Смайылов қатысты.
Құттықтау сөз сөйлеген қала әкімі төтенше жағдай режимі кезінде полиция медицина қызметкерлерімен қатар коронавирус пандемиясының алдын алуда күрделі міндетті атқарып жатқанын атап өтті.
Ал, «Көкшетау минералды сулары» акционерлік қоғамының директоры Станислав Максимец полиция қызметкерлеріне облыс орталығы тұрғындарының қауіпсіздігін қамтамасыз етудегі қызметі үшін алғысын білдірді.
Мен бұл автокөліктің біздің полицияның қызметтік міндеттерін орындауға көмектесіп, әсіресе осындай карантин режимі кезінде құқықтық тәртіпті қамтамасыз етуге ықпал ететініне сенімдімін, – деді Станислав Максимец.
Толығымен заманауи түрде жабдықталған автокөлік полиция басқармасының кезекшілік бөліміне тапсырылды. Жаңа көлік түскен шақырулар бойынша жедел тергеу тобының оқиғалар мен қылмыстарды анықтау үшін қолданылмақ.
