Қазақстан Республикасының Қаржы нарығын реттеу және дамыту агенттігі (ҚР ҚНРДА) банктерді тарату рәсімдерінің тәртібі, процесі мен ағымдағы жағдайы туралы ақпаратпен бөлісті, деп хабарлайды zakon.kz.
– Қазіргі уақытта тоғыз банк тарату сатысында тұр (Валют-Транзит Банк, Казинвестбанк, Дельта Банк, Қазақстанның Эксимбанкі, Астана Банкі, Qazaq Banki, Tengri Bank, AsiaCredit Bank және Capital Bank Kazakhstan), -деп хабарлайды ҚР ҚНРДА баспасөз қызметі.
Агенттік банк кредиторларының талаптары «Қазақстан Республикасындағы банктер және банк қызметі туралы» заңда белгіленген кезектілік тәртібімен қанағаттандырылатынын атап өтті (10 кезек, 74-2-бап).
Банктердің қызметін тоқтатудағы басты мақсат – кредиторлардың талаптарын қанағаттандыру, олармен есеп айырысуды қамтамасыз ету және барлық банктік операцияларды тоқтауы, делінген ресми хабарламада.
