Дауылдың салдарынан келтірілген залалды анықтау мақсатында арнайы комиссия құрылып, келтірілген шығындар анықталады, – деп хабарлайды «Aqmola news»
Ақмола өңірлік коммуникациялар қызметінде өткен брифинг барысында қала әкімі Амангелді Смайылов осылай деп мәлімдеді.
Қала әкімінің айтуынша, кешегі дауылдан зардап шеккен тұрғындардан тұрғын үйлерді, әкімшілік ғимараттарды қайта қалпына келтіруге өтініштер түсіп жатыр.
Біз қазір шығындарды толық есептеп алуымыз қажет. Ол үшін депутаттар, төтенше жағдай қызметкерлерінен арнайы комиссия құрылды. Әрбір тұрғын үйлерге келтірілген залалдың барлығы есептеледі. Барлық тұрғын үйлерді жаңғырту бағдарламасы жүргізілген үйлерде сол тұрғын үйлердің бастамашыл тобы, ПИК-тері қол қойғаннан кейін ғана жөндеу жұмыстары жасалған. Әрбір үйде кепілдік міндеттемелер қалай жасалды, мерзімі қаншаға жасалғанын әлі анықтау қажет. Өкілетті орган бастамашыл топ қол қойып, мердігерді өздері анықтағаннан кейін ғана қаражат бөлді. Сондықтан, барлығын асықпай қарастыру қажет, – деді Амангелді Смайылов.
