Коронавирус инфекциясының елімізде дендеп енуінің алдын алу үшін елімізде мұқтаж адамдарға қолдау көрсету үшін «Біз біргеміз» акциясы кеңінен қолдау табуда. Ақмолалық тауар өндіруші кәсіпорындар да аталған акциядан қалыс қалмады, – деп хабарлайды «Aqmola news» ақпарат агенттігі.
«Нұр Отан» партиясының өңірлік филиалы мен Ақмола облыстық әкімдігінің қолдауымен Жақсы ауданының «ТНК», «Целиноград ауданының «Астана өнім» және Ақкөл ауданының «Үш бұлақ» жауапкершілігі шектеулі серіктестіктері Көкшетау қаласының 200 мұқтаж адамдарына әлеуметтік маңызды азық-түлік өнімдерімен көмек көрсеткен.
Шараны ұйымдастырушылар өңірдің басқа тауар өндірушілерін де қайырымдылық шарасынан қалыс қалмай, елдегі төтенше жағдай кезінде халыққа қолдау көрсетуге шақырды.
