Бурабай ауданында жаңадан сот-медициналық сараптама бөлімі ашылды, деп хабарлайды «Aqmola News» Ақмола облысы полиция департаментінің баспасөз қызметіне сілтеме жасап.
Аталған мәселеде «Авиценна-Бурабай» жауапкершілігі шектеулі серіктестігінің директоры С.Кисилев пен Бурабай ауданының әкімі Әсет Мұздыбаев зор қолдау көрсеткен. Ашылу салтанатында сөз сөйлеген полиция департаментінің бастығы Арман Баймұрзин көрсетілген көмектері үшін алғыс білдірді.
Бөлім қайта жабдықталған ғимаратта орналасқан. Барлық заманауи құралдармен және жиһаздармен жабдықталған. Арнайы гистологиялық сараптама, бетті қарау, тоңазытқыш, қоштасу залы сияқты кабинеттері бар.
«Бұл бөлімнің ашылуы қылмыстық, әкімшілік және азаматтық істерді алғашқы сот-медициналық сараптамасының нәтижелерімен қамтамасыз етпек», – деп атап өтті сот сараптамасы институтының директоры А.Нұржанов.
Ал «Авиценна Бурабай» ЖШС директоры Бурабай ауданында халыққа көрсетілетін қызмет сапасын жақсарту бойынша бағытталған жұмыстың жұмыс жүргізіліп жатқанын баяндады.
