Ақмолалық бишілер Тайланд астанасы Бангкокте спорттық биден өткен «World Open Kings CUP 2019» әлем чемпионатында жүлдегер атанды, деп хабарлайды ҚазАқпарат тілшісі облыстық дене шынықтыру және спорт басқармасының баспасөз қызметіне сілтеме жасап.
Ведомствоның дерегі бойынша, жарысқа ҚР Ұлттық құрамасының атынан Ақмола облыстық балалар мен жасөспірімдердің мамандандырылған спорт мектебінің «Реверанс» спорттық би клубының тәрбиленушілері қатысты.
Оның ішінде Ерқожа Әбілқайыр мен Ясмина Айдарова жұбы екі күміс жүлдеге қол жеткізді.
Сонымен қатар, WDSF жастар арасында Нұрбек Сұлтанов пен Ольга Орлова, жасөспірімдер арасында Владислав Максин мен Дарья Никифорова жұбы жақсы нәтиже көрсетті.
«Реверанс» спорттық би клубының жетекшісі Эльмира Шәріпова атап өткендей, жерлестеріміз екі класс жоғары өнер көрсетті.
«Соңғы жылдары біз аталмыш жарыс деңгейіне сай болу үшін бағдарлама қостық. ТМД елдерінде осы жастағылар арасында би сандарының санаты жоқ», – дейді Э.Шәріпова.
