Шортанды ауданының аумағында жоспарға сәйкес күшейтілген санитарлық-профилактикалық және эпидемияға қарсы шаралар жүзеге асырылуда,-деп хабарлайды Aqmola News.
Аудандық штаб адамдар көп жиналатын орындарға шығып, бақылау жүргізуде.
Қоғамдық орындарда, мекемелерде санитарлық-эпидемияға қарсы іс-шараларды тұрақты жүргізу ұйымдастырылды. Адамдар көп жиналатын нысандар күнделікті дезинфекцияланады. Дүкендерде және дәріханаларда тауарлардың тапшылығы анықталған жоқ. Медициналық маскаларды тігу бойынша жұмыстарда белсенділік байқалады.
Аудандық штаб өкілдері аудан тұрғындарын аулаларда, үйлерде тазалық сақтап, әсіресе кіреберістер мен тұтқаларды микробтардан арылтып, күнделікті санитарлық тазалау жүргізуге шақырады.
