Халықпен есептік кездесу барысында аймақ басшысы Ермек Маржықпаев ақмолалықтардың сұрақтарына жауап берді. Әкімнің айтуынша, биыл Көкшетауда кезекте тұрған 500-600 отбасы баспаналы болады, деп хабарлайды «Aqmola News»АА тілшісі.
Биыл біз 18 үйді жалға берілетін несие бойынша үлестіреміз. Көкшетау қаласы бойынша бізде үлкен жоспарлар бар. Тұрғын үй мәселесі өңірде әлі де өзектілігін жойған жоқ.Биылғы жылы қала тұрғындарының 500-600-і баспаналы болады», – деді Ермек Маржықпаев.
Облыс әкімінің айтуынша, 2021 жылы Ақмола облысында 28 жаңа тұрғын үйді іске қосу жоспарланған. Естеріңізге сала кетейік, биыл тұрғын үй құрылысы саласында сапалы «серпіліс» жасап, 616 мың шаршы метр тұрғын үйді пайдалануға беру жоспарланған.
