Бүгін Сабитова Айгүл Баубекқызы Ақмола облысының мәдениет, архивтер және құжаттамалар басқармасының басшысы қызметіне тағайындалды,-деп хабарлайды «Aqmola News» аталған ведомствоға сілтеме жасап.
Сәбитова Айгүл Баубекқызы 1964 жылы 20 мамырда Көкшетау облысы, Көкшетау ауданы, Еленовка ауылында дүниеге келдi.
1982 жылы Көкшетау кітапханашылар техникумын, 1994 жылы Алтай мемлекеттік институтының Омбы қаласындағы филиалын клуб қызметкері және хор ұжымының жетекшісі, мәдениет және бос уақытты ұйымдастырушы мамандығы бойынша аяқтады.
Еңбек қызметiн 1982 жылы Көкшетау ауданының мәдениет бөлімінде әдіскер ретінде бастады. 1985-1994 жылдары Көкшетау ауданы мәдениет үйінде директор лауазымына тағайындалды.
2003 жылы Красный Яр ауылы тұрғындарының қолдауымен Көкшетау қалалық маслиханының депутаты болып сайланып, әлеуметтік мәселелерімен айналысты.
2006 жылдың мамыр айынын бастап осы уақытқа дейін «Көкшетау қаласының мәдениет және тілдерді дамыту бөлімі» ММ басшысы қызметінде жұмыс атқарды.
