Ақмолада тоқыма қолғаппен ұялы телефондарды түрмеге лақтырған адам қолға түсті. Ол қолғаппен екі бірдей ұялы телефонды түрменің ішіне өткізбек болған, – деп хабарлайды «Aqmola News».
Бірақ қылмыстық атқару жүйесінің қызметкерлері қырағылық танытып, телефондар тиісті адамға дейін жетпей қалған.
«Атбасар аудандық полиция бөлімімен бірлесіп ақпарат түскен соң іске кіріскен тәртіп сақшыларының көз алдында орын алған. 33 жастағы жігіт темір қоршаудың сыртынан тоқыма қолғапты асыра лақтырмақ болған. Осыған дейін есірткі сақтағаны үшін сотталған «курьер» жігіт түзеу мекемесінің алдына келіп, жан-жағына қарайлай бастаған. Ешкімді байқамаған ол қойнындағы түйіншекті алып қоршаудан енді асырам дегенде қолға түсті, – дейді Ақмола облысы қылмыстық атқару жүйесі департаментінің баспасөз хатшысы Ирина Горнова.
Түйіншек қылғаны тоқыма қолғап болып шыққан. Ішіне «Nokia» және «Samsung» маркалы телефондар мен екі сим карталары шыққан.
«Аталған факт тіркеліп, Атбасар аудандық полиция бөліміне процесуалды шешім қабылдау үшін жолданды, – деп толықтырды Ирина Горнова.
