Ақмола облысында қара отын бағасын көтеру фактілері көмір нарығындағы бәсекелестікті талдағаннан кейін анықталды. Тексеру нәтижесінде Шортанды, Ақкөл, Бұланды және Жарқайың аудандарында баға тәртібін бұзу жағдайлары анықталды. Бұл туралы «Aqmola News» АА бәсекелестікті қорғау және дамыту жөніндегі облыстық департаменттің баспасөз қызметіне сілтеме жасап хабарлайды.
Ведомствоның мәліметінше, Ақмола облысында нарықтағы баға тәртібін бұзған 8 компания анықталып отыр.
Қазіргі уақытта қара отын тасымалдаумен айналысатын бұл компаниялармен тиісті жұмыс жүргізіліп, баға қалыпқа келтірілді.
«Мысалы, Шортанды ауданындағы «Ақ Сұңқар 2000″ ЖШС » Д » маркалы көмірдің бағасын 15 200 теңгеден 14 200 теңгеге және 14 500 теңгеден 13 900 теңгеге дейін төмендетті. Сонымен қатар, «Акопян» ЖК ұқсас көмір маркасына бағаны 16 500 – ден 15 мыңға дейін төмендетті», – деп түсіндірді ведомстводан.
Белгілі болғандай, алдағы уақытта нкөмір нарығындағы қолжетімді бағаны қалыптастыру үшін үнемі жұмыстар жүргізіледі.
Бұл ретте сатып алу бағасы және басқа да шығындар ескерілетін болады. «Осылайша, бәсекелеске бағдарлана отырып, баға белгілеу практикасы тоқтатылады», – деп қорытындылады ведомстводан.
