Ақмолалық «Jas Otan» жастар қанатының белсенділері «Той Дастархан» ЖШС директоры Елена Мащинскаяның қолдауымен коммуналдық қызметкерлерге ыстық шай мен бауырсақ таратты, деп хабарлайды «Aqmola News».
Акция «Кел шай ішейік» деп аталған. Бір-ақ күнде бір айлық мөлшерде түскен табиғаттың тосын сыйын тазартып жатқан коммуналдық қызметкерлердің бойын жылыту үшін ыстық шай мен бауырсақ ұсынылды.
«Қатты аяз немесе боран болсын, қажымай жұмыс істейтін адамдар бар. Коммуналдық қызметкерлер көшелерді дайындау және қозғалысты мүмкіндігінше ыңғайлы ету үшін таңертең ерте жұмысқа шығады. Бір сағат ішінде белсенділеріміз бауырсақ және шай таратты. Коммуналдық қызметкерлердің оң реакциясы көп күттірмеді, қызметкерлер балаларға көрсеткен қамқорлығы мен ықыласы үшін шын жүректен алғыс білдірді. Мұндай акциялар басқа азаматтарды бей-жай қалдырмайды деп үміттенеміз. Осы қыс күндері бір – біріңізге мейірімді және мұқият болыңыздар, өйткені бірге біз мықтымыз!» – делінген «Jas Otan» жастар қанатының баспасөз хабарламасында.
