Елімізде өтіп жатқан Парламент Мәжілісі және барлық деңгейдегі мәслихат депутаттарын сайлауға Ақмола облысында тергеу изоляторына қамауға алынған азаматар да дауыс берді, деп хабарлайды «Aqmola News».
Сот үкімі бойынша түзету орындарында бас бостандығынан айырылмағандардан басқа 18 жасқа толған сайлау құқығына ие азаматтар дауыс берген.
Ақмола облысының қылмыстық атқару жүйесі депараментінің мәліметі бойынша сайлауға күдіктілер, сот үкімі заңды күшіне енбеген сотталушылар барлығы 266 адам қатысқан.
Барлық процедуралар коронавирус инфекциясы бойынша карантин талаптарымен сақтау шараларын қатаң сақтай отырып жүргізілді. Жабық тергеу изоляторындағы сайлау учаскесіндегі сайлауға әзірлік өте жоғары деңгейде өткен жөн. Комиссия құрамы жүз пайыз ПТР тестілеумен, жеке қорғаныш құралдарымен қамтамасыз етілді. Қамауға алынғандар тыныш қана өз дауыстарын берді. Жабық тергеу изоляторында өткен сайлау қорытындысы бойынша ешқандай ескертпе болған жоқ», – дейді комиссия төрағасы Шолпан Қажығалиева.
